Emergentziak
 

ESK sindikatuak emergentzietako birdimentsionamendu egokia exijitzen du Erkidegoko hiru lurraldeetan. Gipuzkoarako errekurtso gehiago lortu ostean, Araba eta Bizkaian kanpainak martxan jartzeko lanean hasi gara ZIU mugikor (Bizi Euskarri Aurreratua) gehiago lortzeko asmoarekin.
Kontratazio prekarioa eta koordinazio zentroetako lan baldintzak salatzen jarraitzen dugu. Esparru honetan edozein zerbitzu publikoak eduki beharko lituzkeen oinarrizko eskubideetan inongo aurrerapenik gabe jarraitzen dugu.

 

Bizkaiko Osasun Mentaleko Sarea
 

Osalan, Laneko Segurtasun eta Osasunerako Euskal Erakundearen jardueren zain gaude. Osalanek Talange pabiloian lanean egon ziren langileak amiantoa arnasteko arriskua izan zutela adierazi zuen, hortaz, araudiak dioen moduan, langile hauei azterketa periodikoak egingo zaizkie.

 

Santa Marina Ospitalea 

Behin eta berriz, plantillen dimentsionamendu egokiaren alde borrokan jarraitzen dugu. Gaixo kroniko eta pluripatolgikoen ospitale honetan lan kargak izugarriak dira. Plantillak eskasak dira eta honek estres eta gorputz arazo handiak sortzen ditu langileengan.

 

Lehen Arreta
 

Lehen Arretan kolapso egoera batean gaude murgilduta. Mediku kupo batzuetan lan gain-kargak %60ekoak dira. Egoera horrela, sistema efiziente izateari utzi dio, Lehen Arretan pairatzen den prekarietatea areagotuz.

 

Deba Goiena-Arrasate

 

2018 urterako Erizain, erizain laguntzaile eta zelarien dotazioa handitzea lortu dugu. Aurrerapen hau ESKak bultzatutako borrokaren ondorioa dela deritzogu. Oraindik Arrasateko Ospitaleko eremu asko dago egoki dimentsionatu Gabe.