Biltegietako lanpostuak arriskuan daude, 200 baino gehiago Osakidetza osoan. Sagardui sailburua eta haren saila geldiarazten ez baditugu, Osakidetzako biltegietako lanpostuak haritik zintzilik utziko dituen plataforma logistikoa eraikio dute.

ESK-k uste du plataforma hau dela Osakidetzaren historiako pribatizaziorik handiena eta esku pribatuei ondare, kapital eta funtzio publikoak ematea. Izan ere, Osakidetzak enpresa pribatuen esku jarri nahi ditu instalazioen eraikuntza, horien titulartasuna eta plataformaren prozesu guztien kudeaketa. Dena kapital publikoarekin.

Ezbairik gabe, proiektu honek kolokan uzten ditu gaur egun Osakidetzako biltegietan modu zuzenean lan egiten duten ehundaka lankideen lanpostuak. Gainera, sektore pribatutik sortu litekeen lanpostuak prekarietatera kondenatuta egongo dira. Gaur egun azpikontratatutako eta pribatizatutako sektoreetatik Osakidetzarentzat lan egiten duten lankideen egoera ikusi besterik ez dago; anbulantziak eta garbiketa, esaterako.

Zentzu horrentan, ESK proiektu honekiko desadostasuna erakutzi du aurkeztu zenetik. Esan bezala, ESKren asmoa proiektu honi ahalik eta alderdi gehienetatik aurre egitea da.

Alde batetik, OARCren aurrean administrazio errekurtsoaren bidea aktibatu dugu, Urdulizko pribatizazioa geldiarazteko balio zitzaiguna, ESK-k sukaldaritza, garbiketa, ikuztegia eta lentzeria zerbitzuak ez pribatizatzea lortu zuenean.

Aldi berean, biltegien pribatizazioaren aurkako mobilizazio bateratuak bultzatu eta horietan parte hartzen ari gara. ESKren iritziz, borroka da proiektu neoliberal hauei aurre egiteko bidea, eta borroka bateratua izan behar du, gaur biltegiak baitira, baina, saihesten ez badugu bihar beste zerbitzu batzuk izango direlako.

Horregatik, langile guztiak animatzen ditugu datorren ostegunean, otsailak 22, 11:00etan Gurutzetako sarrera nagusian eta Bizkaiko gainerako biltegietan izango diren kontzentrazioetan parte hartzera.