Joan den larunbataz geroztik, indarkeriak gora egin du gerra egoera etengabean murgilduta dagoen Palestinako lurraldean. Israelgo Estatu Sionistak Palestinaren aurkako erabateko gerra deklaratu izanak Gaza erabat suntsitzea, gerra-krimen kontaezinak, langile palestinarren hilketak eta gizateriaren aurkako hamaika urraketa dakartza.

Israelen erasoaren basakeriaren adibide garbiena Al Ahli Ospitalea bonbardatu izana izan da, ehunka hildako utziz, gehienak bertako langileak.

Sarraski horren ostean, ELA, LAB, CCOO , UGT eta ESK sindikatuek Osakidetzako langileeidei egin diete, ostiral honetan, 11:00etan, Gurutzetako eta Donostiako ospitaleetan eta 12:00etan Santiagoko ospitalean kalera atera daitezen, Israelek Gazatarrei egindako erasoaren amaiera eskatzeko eta laguntza humanitarioko korridore seguruak irekitzea bermatzeko.