Osakidetzaren aldi baterako kontratazioa hautapen- eta hornidura-prozesu bat da, eta Euskal Osasun Zerbitzuaren asistentzia-eskaeran eta eskaera ez-asistentzialean dauden pertsonal-beharrak asetzeko profesionalak sartzea du helburu.

Osakidetzako interino, ordezko eta aldi baterako langileek, 2021eko Kontratazio Zerrendak, Enplegu Publikoko Eskaintzatik eratorriak (2016/17 EPEa), noizko egongo diren martxan jakitea exigitzen dute. Horien azterketak 2018ko maiatzetik ekainera egin ziren.

Handik 4 urtera, lanbide-kategoria gehienek ez dute oraindik behin-behineko zerrendarik. 2018-19 EPEan, kategorien erdiak egin dituzte azterketak, eta beste erdiko probak urtea amaitu baino lehen egingo dira. EPE prozesuak berriro aktibatzen dira, kontratazio-zerrendak geldirik dauden bitartean. Era berean, Lekualdatze Lehiaketa Ireki eta Iraunkorrak, abian jartzea ere kostatu egin duena, azkenean, aurten kategoria handiak ebatziko dira. Horrek langileen mugimenduak eragingo ditu, eta horiek bete-betean eragiten die Interinitateei. Horren ondorioz, sortzen diren lanpostu hutsak 2011, 2014 eta 2018ko kontratazio-zerrenda zaharkituen bidez beteko dira oraindik.

Lotsagarria da EPE prozesua amaitu zenetik azken kontratazio-zerrendak ireki arteko atzerapena, 2021eko urria-azaroa. Eta iraingarria da zerrenden inskripzioa amaitzen denetik orain arte behin-behineko zerrenda gehienak oraindik ez izatea, are gehiago behin betiko zerrendak agertu arte zerrenda berri horiek indarrean ez daudelako.

Azken urteotan, eta pandemiarekin batera, denbora tarte luzeak igaro dira zerrendetan izena eman duten langileak agortuta zeudela. Hori dela eta, zenbait kategoriatako profesionalek erretiroa hartzen dute edo prozesu horiek azkarrago ebazten dituzten beste administrazio batzuetara joaten dira. Horrek izangaien gutxitzea dakar, curriculum bidezko aldi baterako izendapenak eta kontratuak sortuz, hautapen prozesuaren berdintasun, merezimendu, gaitasun, eraginkortasun eta arintasun printzipioak hausten dituztenak, baita hura aplikatzeko araudiak zehazten duen objektibotasun eta gardentasuna ere.