ESKk 2020ko azaroan irabazitako epaiaren ondoren, Osakidetzak urtebete baino gehiago darama Garapen Profesionalaren irekiera atzeratzen.

500 langilek baino gehiagok gugan konfiantza izan zuten eta Garapen Profesionala irekitzeko aukera eman duten erreklamazioak aurkeztu zituzten. ESK-k berriro eskertu nahi du pertsona horien borroka. Haien ausardia eta bultzadak, Euskal Autonomia Erkidegoko Justizia Auzitegi Nagusiaren 2020ko azaroaren 23ko 51/20 epaiarekin batera, deialdi berria irekitzera behartu zuen Osakidetza.

Epaia egonda ere, Osakidetzak isiltasun hilgarria mantendu zuen, eta horregatik ESKk epaiaren betearazpena eskatu zuen. Horrek esan nahi zuen Osakidetzak beste deialdi bat ireki behar zuela, baina, egin beharrean, aldez aurretik, mahai sektorialean negoziatu behar zela erantzun zuen.

Negoziazio hura joan den udan gertatu zen eta Osakidetzak akordio batera iritsi zen Mahai Sektorialeko hainbat sindikaturekin. Arazoa da Osakidetzako Zuzendaritzak ez duela bere plantilla errespetatzen, soldataren zati bat berreskuratzeko aukera ukatzen jarraitzen duelarik, ez eta sinatzen dituen akordioak ere. Gurea den Garapen Profesionala modu zitalean erabili nahi du, Osasun Publikoaren aldeko lan-gatazka baten erdian presio-neurri gisa.

Osakidetzaren azpijokoa Mahai Sektorialean lortutako akordioari uko egitea da. Orain “aurreakordioa” deitzen dio, eta horrela jarraitzen du ESKk irabazitako epaia etengabe atzeratzen.

Ez-betetze ikaragarri honen aurrean, ESK sindikatuak borroka-bide guztiak irekita mantentzen ditu. Alde batetik, epailearengana jo dugu berriz epaia betearazteko eskatzera. Bestalde, borrokan jarraitzen dugu, eta langileei dei egiten diegu nazkatuta daudela erakusteko apirilaren 6ko (asteazkena) 12:30ean Gurutzetako ospitaleko sarrera nagusian izango den kontzentrazioan.

 

Garapen Profesionala langileona da!

Kontzentrazioan parte hartzera gonbidatzen zaituztegu

 

ASTEAZKENA, apirilak 6

12:30etan

Gurutzetako sarrera nagusian

 

GARAPENAREN BEREHALAKO DEIALDIA!

OSAKIDETZA, EPAIA BETE, DAGOKIGUNA ORDAINDU!

Hemen ikusi ditzakezu gure kanpainako gainontzeko kartelak