Urteak daramatzagu kalitatezko eta baliabidedun osasun sistema publiko baten alde borrokatzen.

Pandemia aurretik plantilla motzak, hornitu gabeko Lehen Arreta, behin-behinekotasun eta prekarietate maila onartezinak eta  lan-osasun gabezi larriak salatzen genituen, beste hamaika gauzen artean.

Artatzen ez den edozein arazo moduan egoera okerrera besterik ez du egin, are gehiago pandemiak gehitu digun presio asistentzialarekin.

Osakidetzaren irtenbide bakarra lehertuta dagoen plantilla esplotatzen jarraitzea da.

Egoera horren aurrean, ikusirik Osakidetzak ez duela benetako konponbideak bilatzeko batere borondaterik eta mahai sektorialak eraginkortasunik ez duela, gure lan-baldintzak hobetzeko borroka besterik ez zaigu geratzen.

Hori dela eta, langile guztiak animatzen ditugu datorren ostegunean, urtarrilak 21, goizeko 11:00etan ospitaleetan eta 13:00etan osasun-zentroetan aurreikusitako kontzentrazioetan parte hartzera eta datorren osteguneko urtarrilaren 28rako deitutako greba betetzera.